أحلم بــ ليبيا
والله لن يهون علي شبر واحد من أرضها الغالية الحبيبة
أريد أن أصحى على شقشقة عصافير الخمس
وأفطر على بسيسة زوارة
وأقطف الأزهار من بساتين المرج
وأدفئ جسمي بقصب مصراتة وخبزة تنورها
وأتمشى بين شوارع طرابلس
وأجري على شواطئها من الملاحة للريقاطة
وأترسى على بحر جنزور
وأمتع عيناي بشلال ترهونة
واتغدى على فتات ودان
أنعديه بلبن سوكنة
مخضات ايدين ليبية أصلها من الهيشة وخوالها من بن جواد
ونتكيف بطاسة شاهي الزاوية
ونسترخى في قيلولتي بين جبل نفوسة والزنتان
ونتزين بزي عروس الصحراء غدامس
وانهدرز عشيتي بين اهلنا في ورفلة
ونطرب نفسي بدقة طبل هون
ونتفسح على سفوح الجبل الأخضر
ونظلل بنخيل زليطن
ونستشق عبير ياسمينك يا درنة
وانزهي خاطري بأشعار أجدابيا
ونسمع ترنيمها تحت شجر زيتون مسلاتة
واتسبح في بحرك يا طبرق
واتشمس بدفء شمس الكفرة
ونرقص على دقات دفوف غات
وامتطي جياد صبراتة وصرمان
واتعشى بازين غريان
وانحلي بدقلة الشاطئ واوجلة
ويرويني لاقبي سبها من العطشان
ونرتاح بين ذراعك يا بنغازي الحنونة
ويأخذني النوم الهاني بين أحضانك يا ليبيا يازينة الأوطان
*************
ليست هناك تعليقات:
إرسال تعليق
lailaelhoni_68@yahoo.com, blaila89@hotmail.co.uk