نــــداء بالليبي ... إجدابيا

نــــداء

 بالليبي وان شاءالله يفهموه

أيها المسؤولون في ليبيا اءءءءه يا ناااااااس يا هوووووو

 يا رهوا (إجدابيا) اليوم من اذان الفجر امس والصواريخ يهدوا فيها ...

 اَهلها اللي هم احبابي ومعارفي اللي منها و فيها 

يتصلوا بيا ويقولولي ديرونا حل ..

 الناس يا راهو خلااااص عايشين اليوم في رعب ما بعده رعب 

عايشين في مأساة إنسانية حقيقية ..

 الحرب على الاٍرهاب مش هكي تكون هذه اسمها فوووووضى . .

الحرب على الاٍرهاب تأتي على أسس ثابتة على دولة متكونة ومبنية ..

 يا عالم يااااا هو كان في حد مسؤول حق ويشعر بالآم الآخرين ليتحرك

واذا لم يكن هناك لا مسؤول ولا حتى قعمول يمكنه ان يوقف هذه المأساة 

فأعلنوها على الملأ ودعوا العالم يتصرف..

 وبلاش تتعمقوا في الـ... وتزيدوا من تشويه صورتكم قدام العالم ..

 ساد سااااااد امس بنغازي دمرتوها

 واليوم اجدابيا تبوأ ادمروها

الله يذلكم بعصاة الذل ولا يقدركم عليهم 

وغدوة اشبح وين!!؟؟؟

والبلاد بدت تمشي تسيح و وتريح اكثر ما هي رايحة

الله لا تربحكم وكان ما وقفتوا هذه الحرب تو تو و فورا

ان شاءالله ربي يهدكم وياخذ فيكم الحق 

يا الله يا قوي يا حق

 وربي يورينا فيكم يوم 

زي اللي شفناه في المقبور القذافي وأسوأ من هكي..

 وياااا رب لو ما كنتوا فيها محاضر خير

 الله يحضرني فيكم محاضر سوء

 محاضر الهم والغم 

 ياااااااا رب ياااااااا رب يااااااااا رب.

*************

ليلى أحمــد الهوني