#ليبيا
صيـــــــــــــورهـــــا
صيورها تمطر ايجيك اشبوبها ... ياصاحب دوام الحال مالموحال
وصيورها تفتح معاك ادروبها ... الحال ايتبدل ما ايدوم بحال
وصيورها تلبس الزاهي ثوبها ... وتعطيك من حلاوتها زهاوة بال
وصيورها ترفع معاك اهذوبها ... وتعطف العين اللي جفاها طال
وصيورها تقرب ويرسم صوبها ... و تحط الرحيل و تهجر الترحال
وصيورها يسهل عليك اركوبها ... وما اتروم غيرك م العرب خيال
وصيورها تصفى الناس قلوبها ... وماتقول كانوا دايرين اقتال
وصيورها تنظف من اللي يشوبها ... وتقطع دوابرهم ضنا الانذال
وصيورها تفتك من مغصوبها ... وتردهن صاعين بالمكيال
وصيورها تملا فراغ جيوبها ... ويقعد خبر تداولا الاجيال
****************
ولد الآجـــواد
ليست هناك تعليقات:
إرسال تعليق
lailaelhoni_68@yahoo.com, blaila89@hotmail.co.uk