مر على تحرير ليبيا من المردوم معمر القذافي

الأربعاء، يونيو 29، 2011

وضع اللاجئين الليبيين في منطقة "رمادة" بتونس..!!

إلى جميع 
أصحاب القلوب والضمائر الحية


video

الحوار التالي من صديق على موقع فيسبوك وهو أخ ليبي حر
يحاول كل ما يملك من جهد وبقدر امكانياته مساعدة اللاجئين الليبيين في منطقة رمادة بتونس الشقيقة


Ali Jaber
وضع اللاجئين الليبيين في رمادة مأساوي مأساوي مأساوي مأساوي إلى ما لانهاية يا ناس يا هووه وينكم يا ليبيين؟ وينك يا مجلس؟ وينك يا ولد ويا بنت البلاد؟ وين الأثرياء؟ تحركوا تحركوا تحركوا
21 hours ago · Like ·
Laila Elhoni ليلى الهوني لا حول ولا قوة إلا بالله الله المستعان الله المستعان والله امر مؤسف للغاية خوي علي .. يعني مش عارفة وين الجماعة اللي طول الوقت يلموا منا هنا في مانشستر وين يرفعوا في التبرعات والله حد جهدنا وأكثر من جهدنا انديروا فيه والله ماهو جميل وهو واجب ضروري علينا فعله وهذا اقل شيء المفروض الواحد يديره وهو مطمور وماد وجهة برة ولكن مش عارفة وين يمشوا بالزبط التبرعات لا حول الله والله امر محير بجد
about an hour ago · Like

Ali Jaber بالله عليكم يا ليلى خلوا لجان تطلع من اروبا راهو صايرة سرقة في المواضيع ومن شوية وصلتني معلومة ان في عائلة انجليزية تبرعت بفلوس التعويص متاع لوكربي لليبيين ولم يصل منها شيء
54 minutes ago · Unlike · 1 person

Ali Jaber لما تتبرعوا بحاجة خلوها في صورة مواد اغاثية من المصدر وتتعنون على هذا الاساس في العلب وتشحن مع بعض الاخوان الليبيين من المصدر الى المستحقين
53 minutes ago · Unlike ·  1 person

Laila Elhoni ليلى الهوني يقولونا اعطوا فلوس ما يبوش ياخذوا مواد اغاثية يقولنا يبوا يشروا بروحهم وبمعرفتهم المواد الغذائية والصحية لكن انا نتبع بعض الجهات الحقوقية توا انشمشم لو فيه اي مساعدات ماشية للأجئين الليبيين حنوصي على حكاية الرقابة والمشرفين ونضرب من فوق الفوق باش ما يقولوش يشككوا في بعضهم ومرات الاجانب خوافين يتراجعوا على الامر برمته لو شعروا فيه لخبطة ولهذا توا انحاول نوصل المعلومة بطريقة فيها شوية ذكاء وان شاءالله ما تخونيش ذاكرتي وذكائي في هاداكا الوقت قول يارب
49 minutes ago · Like

Ali Jaber يا اخت ليلي في كلام غير مؤكد ان حصة الليبي يومياً هي نصف لتر من مياه الشرب في رمادة وكما تعرفي حرارة الجنوب التونسي وبالاضافة لشح الادوية والرعاية الطبية وفي حالات مريضة بالقلب ملوحة في الخيم وتنتظر في ملك الموت يريحيها من ألامها
44 minutes ago · Like

Laila Elhoni ليلى الهوني لا حول ولا قوة الا بالله ياربي كيف نقدر انساعدهم يا وخيي والله شيء بجد مؤلم لا إله إلا الله ... بجد انا في حيرة والله اقسم بالله لو نلقى توا انطيرلهم وانساعدهم ونعطيهم دواوتي تعرف انا بروحي مريضة قلب وعارفة شن معناها نقص الدواء تعني الموت بالعرق والله شيء يخلي الواحد ينجن كيف اندير يا وخيي بيش انساعدهم والله ماعاد عارفة كيف لا اله الا الله محمد رسول الله الله المستعان الله المستعان الله المستعان
4 minutes ago · Like

*****************
أرجو من فاعلي الخير
 وأصحاب الضمائر الحية وكل من لديه المقدرة على مساعدة أهلنا الليبيين هناك
أرجوكم بالله عليكم أرجوكم بالله عليكم ساعدوهم
نربحوا الله يفتحها عليكم ويسهل أمركم ويساعدكم
هؤلاء أهلكم وإخوانكم
والله الأمر مؤلم جدا ومؤكد يشعرنا جميعا بالمرارة
من فضلكم حسنة قليلة مؤكد ستنجيكم من هموم وذنوب كثيرة
*****************

هناك تعليق واحد:

  1. سعيد البرقاويالخميس, 30 يونيو, 2011

    كم انتي رائعة وعظيمة يا سيدة ليلى الهوني منورة والله

    ردحذف

lailaelhoni_68@yahoo.com, blaila89@hotmail.co.uk