في الرد على بيت الشعر (المسروق)
الذي تبجح به أحمد قذاف الدم
قال ... وقلت
شد خيلك ونياقك وجمالك اللي لا تعرفهن
ولا ذكر اسمهن يخطرن على بالك
كل عرفتك في سمى زايلة
قطات حريمك وإلا كلاب عيالك
***********
بيت شعر قاله رفيقك خطم طيفه في خيالك
قدام الملايين نشرته وكل من تابع هبالك
بعد كل ما ريت في المحاكم من تعب
و ما دفعت من رشاوي مالك
وكانك ليبي حق
هالسُخر على هلك
ما تعاوده ولا حروفه تزهالك
**********
قلت الخيل سارحة
يا لندرة بآم الحلق اللي هي غايتك ودلالك!؟
وإلا بالسهر والنسى اللي ملاقتهن تحلالك
************
الليبي اليوم صار حر
ما يرجى في جيتك ولا شبح خيالك
ولا يعيش يوم تحت سرايفك ولا يرضالك
تحلاله العيشة بلا غاز ولا ضي
ولا تحكمنا يوم بمفرخك وفُجر عيالك
..............
شد خيلك ونياقك وجمالك
اللي لا تعرفهن
ولا ذكر اسمهن يخطرن على بالك
***********
ليلى أحمد الهوني
ليست هناك تعليقات:
إرسال تعليق
lailaelhoni_68@yahoo.com, blaila89@hotmail.co.uk